Күй толғақ Кітап
Күй толғақ

Күй толғақ

Күй толғақ

«Бұл кітап Бексұлтан Нұржекеевтің прозадағы тұңғыш қадамы. Оның шығармалары ауыл жастарының өміріне, азаматтық есеюіне, сүйіспеншілігіне арналған. Автор кейіпкерлердің жан-толғанысын, мақсат-мүддесін заман биігінен көргісі келеді. Оқушыны жарқын оптимизмге баулиды. Әңгімелері қызық оқылады». 

 

 

 

 

Жазушы Бексұлтан Нұржекеевтің «Күй толғақ» деп аталатын алғашқы повесть пен әңгімелер жинағы 1972 жылы «Жазушы» баспасынан шыққан. 152 беттен тұрады. Таралымы – 12 000 дана. Бағасы – 24 тиын. Редакторы – Дүкенбай Досжанов.

 

 

 

 

Автор естелігі

 

«Алғашқы кітабымның қаламақысын 5-6 жылдан кейін бір-ақ алдым»

 

Алғаш Алматыға келген кезде жақын танысқан адамым Мұқағали Мақатаев болды. «Жұлдыз» журналына «Күнәлі махаббат» («Кінәлі махаббат») деген әңгімемді әкелгем. Ол жайында естеліктерімде талай жаздым. Бірақ ауылдан келгендіктен қаланың тәртібін жақсы білмеймін. Сол кезде Мұқағали «бекер жүрме, жазатыныңды жаз, кітап етіп шығар» деді. «Жазушы» баспасына барып, Әбілмәжын Жұмабаев деген кісіге жолығуды тапсырды. Содан кітап шығаруға өтініш жазып, Әбілмәжын ағамен жеке жолығуға сұрандым. Әрине, Мұқағалидің ақылы бойынша. Айтқаны дәл болды, ол кісі менің «Күнәлі махаббатымды» («Кінәлі махаббат»)  оқыған екен. «Айналайын, сен сол баласың ба?» деп жылы қарсы алды. Кітабы шығатын авторлардың жоспарына кіргізді. Менің әңгімем бастапқыда «Күнәлі махаббат» деп аталған. Бірақ «Жұлдыз» журналына «Кінәлі махаббат» деп басты. Діни ұғымнан қашты. 

Бір жылдай уақытта кітабым жарыққа шықты. Үлкен қуаныш болды. Ол кезде кітап шығарудың жолы қиын. Талап қатал. Шынын айтқанда, балаң туғандай қуанады екенсің. «Күй толғақ» жарық көргеннен кейін Оразбай Сәрсенбаев, Рахметтолла Райымқұлов сынды жазушы ағаларымыз жақсы пікір жазды. Сонымен-ақ танымал болып кеттім.

 

 

 

 

Негізі бұл алғашқы жинаққа кірген әңгімелерді ұзақ жаздым. Қайта-қайта өшірдім. 8 дәптерге қолмен жазып әкелдім. Ең қызығы, алғашқы кітабымның қаламақысын 5-6 жылдан кейін бір-ақ алдым. Оны алу керегін білмейді екенмін тіпті. Жүре бергенмін ғой. Солай қызық болды.

  • Сипаттамасы
  • Пікірлер

«Бұл кітап Бексұлтан Нұржекеевтің прозадағы тұңғыш қадамы. Оның шығармалары ауыл жастарының өміріне, азаматтық есеюіне, сүйіспеншілігіне арналған. Автор кейіпкерлердің жан-толғанысын, мақсат-мүддесін заман биігінен көргісі келеді. Оқушыны жарқын оптимизмге баулиды. Әңгімелері қызық оқылады». 

 

 

 

 

Жазушы Бексұлтан Нұржекеевтің «Күй толғақ» деп аталатын алғашқы повесть пен әңгімелер жинағы 1972 жылы «Жазушы» баспасынан шыққан. 152 беттен тұрады. Таралымы – 12 000 дана. Бағасы – 24 тиын. Редакторы – Дүкенбай Досжанов.

 

 

 

 

Автор естелігі

 

«Алғашқы кітабымның қаламақысын 5-6 жылдан кейін бір-ақ алдым»

 

Алғаш Алматыға келген кезде жақын танысқан адамым Мұқағали Мақатаев болды. «Жұлдыз» журналына «Күнәлі махаббат» («Кінәлі махаббат») деген әңгімемді әкелгем. Ол жайында естеліктерімде талай жаздым. Бірақ ауылдан келгендіктен қаланың тәртібін жақсы білмеймін. Сол кезде Мұқағали «бекер жүрме, жазатыныңды жаз, кітап етіп шығар» деді. «Жазушы» баспасына барып, Әбілмәжын Жұмабаев деген кісіге жолығуды тапсырды. Содан кітап шығаруға өтініш жазып, Әбілмәжын ағамен жеке жолығуға сұрандым. Әрине, Мұқағалидің ақылы бойынша. Айтқаны дәл болды, ол кісі менің «Күнәлі махаббатымды» («Кінәлі махаббат»)  оқыған екен. «Айналайын, сен сол баласың ба?» деп жылы қарсы алды. Кітабы шығатын авторлардың жоспарына кіргізді. Менің әңгімем бастапқыда «Күнәлі махаббат» деп аталған. Бірақ «Жұлдыз» журналына «Кінәлі махаббат» деп басты. Діни ұғымнан қашты. 

Бір жылдай уақытта кітабым жарыққа шықты. Үлкен қуаныш болды. Ол кезде кітап шығарудың жолы қиын. Талап қатал. Шынын айтқанда, балаң туғандай қуанады екенсің. «Күй толғақ» жарық көргеннен кейін Оразбай Сәрсенбаев, Рахметтолла Райымқұлов сынды жазушы ағаларымыз жақсы пікір жазды. Сонымен-ақ танымал болып кеттім.

 

 

 

 

Негізі бұл алғашқы жинаққа кірген әңгімелерді ұзақ жаздым. Қайта-қайта өшірдім. 8 дәптерге қолмен жазып әкелдім. Ең қызығы, алғашқы кітабымның қаламақысын 5-6 жылдан кейін бір-ақ алдым. Оны алу керегін білмейді екенмін тіпті. Жүре бергенмін ғой. Солай қызық болды.