«Адал азамат, абзал жан, талантты жазушы Мұқан Иманжанов аз жасаса да, артына ұзақ жасайтын әдеби мұрасын, талай ұрпаққа тәлім боларлық жарқын романтикаға толы рухын, айнымас адалдық, қалтқысыз әділдік, баршаға бірдей әкелік қамқорлық, жүрек жылытқан мейірбандық, әдептілік алғы шарты – кішіпейілділік сияқты өшпес өнегесін қалдырып кетті. Жаратылыс әлемінде мынадай да таңғажайыптар болады деседі: мұнан пәлен мың жыл бұрын сөнген жұлдыздың жарығы бізге сол күйі жарқырап жететін көрінеді. Жақсының шарапаты да сол сияқты деп білемін. Қазақ топырағындағы абзал жандардың бірі Мұқан Иманжанов болатын. Оның жарқын бейнесі біздің және бізден кейінгі ұрпақтардың көкірегінде сол жарық сәуледей мәңгі сақталмақ». Өтебай Қанахин