Қазақ тілінің әмбебап сөздігі
Cөздік
«АР» ЖӘНЕ АҚЫН

Жас та өтер, бірте-бірте, кәрі де өтер,

Баянсыз бұл жалғанның бәрі бекер.

Жаһанда мәңгі тірі адам жоқ қой,

Кетеміз, кетті, келер, тағы кетер.

Бұл өлең жолдарын аударма деп кім айтар Қазақтың кәдімгі қара өлеңіндей өріліп тұрған жоқ па

Немесе, мына бір шумақты қараңыз

Дариға-ай, қартайдық қой бостан-босқа,

Қайғы-мұң құдай бізге қосқан баста.

Жоқ болдық, қас қаққанша, о сұм өмір,

Жете алмай көп арманға тосқан баста.

Немесе

Бұйырмас, телмірсең де, көктегі құт,

Достар да қалмады ғой күткен үміт.

Адам бол, қолдан келсе, бүгінді ойла,

Асықпа алдағыға, өткенді ұмыт,

– дейді.

Әңгімелескен Жұлдыз Әбділда
Қаралым: 2596
0
Еркін Шүкіман, дәстүрлі әнші:  ӘНШІЛЕРДІҢ ІШІНДЕ ҒЫЛЫМҒА БЕЙІМІ БАРЫ ЖОҚТЫҢ ҚАСЫ

Сахнаға бүрмелі көйлек пен үкілі тақия киіп шығып, қазақтың ән-күйін орындап, ал шыға салысымен тізесі жыртық джинсы мен жұлым-жұлым күртесін іліп алып, ол аз десең, езуіне шылымын қыстырып, шіреніп тұратындар болады.  Дәстүрлі әншілердің ішінде де бәрі бірдей осы ұлттық қазынамыздың жоқшысы дей алмаймыз. Керісінше, біразы робот сияқты болып кеткен десек, аса қателеспейтін секілдіміз. Ал бірақ, бүкіл жан-тәнімен ұлттық өнерге қызмет етіп жүргендер де жеткілікті. Дәстүрлі әнші Еркін Шүкіман солардың қатарынан. Сөзі өтімді, ойы орнықты азаматты әңгімеге тартқан едік. Біздің дәстүрлі ән өнері Арқа мектебі, Сыр бойының жырлары, Жетісудің әндері, Мұхиттың мектебі деп бөлінетіні белгілі. Осылай шартты түрде бөлу кейде жершілдікке, бөлінушілікке алып келетіндей де көрінеді. Біз алғашқы сауалды осыдан бастаған едік. Еркін ағамыз әңгімені әріден бастады:

Әңгімелескен Жұлдыз Әбділда
Қаралым: 2735
0
Рахметқажы Берсімбай, ҚР ҰҒА академигі, биология ғылымдарының докторы, профессор: ЖАПОНДАР АДАМ КЛЕТКАСЫН ӨСІРІП, ОРГАНДАРДЫ ЖАҢАЛАЙТЫН ДЕҢГЕЙГЕ ЖЕТТІ

Ресейдің Алтай өлкесінде дүниеге келіп, Новосібір университетін бітірген Рахметқажы Берсімбай – әлемдік деңгейдегі ғалымдардың бірі. Университеттің жаратылыстану факультетін бітіргеннен кейін КСРО Ғылым Академиясының Сібір бөлімінің Цитология және генетика институтында аспирантурада оқыған. Өткен ғасырдың сексенінші жылдарынан бастап бармаған жері, баспаған тауы жоқ десек, аса қателеспейміз. Ұлыбританияның ұлттық медициналық зерттеулер институтында, Ганновер медициналық ғылыми-зерттеу институтында, Еуропа молекулалық биология зертханасында, Астон университетінде, Жапонияның Ұлттық биомедициналық инновациялар институтында ғылыми зерттеулер жүргізген. Күні бүгінге дейін Германия, Италия, Жапония, Ұлыбритания университеттерінде дәріс оқыған. АҚШ, Жапония, Ұлыбритания, Германия, Италия, Қытай, Сингапур, Финляндия, Оңтүстік Корея қатарлы бірқатар мемлекеттерде беделді халықаралық форумдар мен симпозиумдарда, конференцияларда баяндама жасаған. Бүгінде Рахметқажы Іскендірұлы Л.Гумилев атындағы Еуразия Ұлттық университетінде жұмыс істейді. Жалпы биология және геномика кафедрасының меңгерушісі.

Әңгімелескен Жұлдыз Әбділда
Қаралым: 2383
0
АБАЙДАН АҚСЕЛЕУГЕ ДЕЙІН… (Бір кітаптың ізімен)

Кітап – қойма. Ішінде қанша байлық  жатады.  Кітап – құпия. Ішінде қанша сыр жатады.  Керек десеңіз, кітаптың әр  данасының өз тарихы, өз тағдыры бар. Оның тағдырына тереңдеу арқылы көпшілікке беймәлім болып келген тарихтың тылсым беттерін ашуыңыз мүмкін. Сондай тылсымға мен де кезіккен  секілдімін.

Халқымыздың білімдар ұлы Ақселеу Сейдімбек бірде журналист Қасым Аманжолұлының  «Шынның жүзі» бағдарламасына қонақ болды. Сөз арасында ол  Дрэпердің «История умственного  развития Европы» кітабы туралы сөз қозғады.  Бәлкім, ғалымның бұл сөзіне мән бермеуге болар ма еді, бірақ, ол мән бермеуге болмайтын, тіпті, бұдан кейін есіңнен шықпайтын деректер айтты. Соның бірі –  бұл  кітапты Абайдың өзі оқығандығы, одан кейін Мұхтар Әуезов пен Ісләм Жарылғаповтың қолында болғандығы туралы мәлімет. 

Қаралым: 3517
0
Асхат Еркімбай, блогшы, "Мінбер" журналистерді қолдау орталығы жанындағы Жаңа медианы зерттеу тобының басшысы: TEDxASTANA МАҚСАТЫ - ҚАЗАҚ ТІЛІНІҢ ӘЛЕУЕТІН КӨРСЕТУ

Асхат Еркімбай – “Мінбер” журналистерді қолдау орталығы жанындағы Жаңа медиаларды зерттеу тобының басшысы, Сүлеймен Демирель университетінде журналистика және бұқаралық медиа кафедрасында оқытушы. Эдмунд Маск бағдарламасының түлегі, TED Open Translation Project жобасының белсендісі.

2014 жылдың 1 наурыз күні Астана қаласында “How big is big” тақырыбы аясында TEDxAstana конференциясы ұйымдастырылады. Өздеріңіз білетіндей, “WikiBilim” қоғамдық қоры TED конференциясының Қазақстандағы ресми өкілі, әрі TED лекцияларын Қазақстанда таратуға жауапты бірден-бір ұйым. Біздің қорымыз TEDxAstana конференциясының серіктесі. Ғаламдық TEDx форматына негізделген іс-шарада ғылым, технология, дизайн саласының майталман мамандары көпшілікке өз идеяларын ұсынады. Конференцияның негізгі ұстанымы – таратуға тұрарлық идеяларды жұртшылыққа түсінікті тілде жеткізу. Айта кетерлігі, TEDxAstana конференцияның бірқатар қатысушылары  қазақ тілінде сөз сөйлемек. Осы ретте конференция ұйымдастырушылары қатарына кіретін Асхат Еркімбаймен аудио подкаст жасауды жөн көрдік.

 

Қаралым: 1898
0
Төлен Әбдік, жазушы, Мемлекеттік сыйлықтың иегері:  ЕҢ ҮЛКЕН ЖЕҢІС – ӨЗІҢДІ ЖЕҢУ

Жазушы Дулат Исабеков құрастырған «Жүздесу» атты жинақ бар. 1979 жылы жарық көрген. Әбіш Кекілбаев, Дүкенбай Досжан, Тұтқабай Иманбеков, Тынымбай Нұрмағамбетов қатарлы бір топ жас жазушылардың әңгіме-повестері берілген. Сол жинақ Төлен Әбдіковтің «Оң қолымен» басталады. Адам болмысының екіге жарылуын өзек еткен шығармалар әлем әдебиетінде көп кездеседі. Қазақ әдебиетінде де бар. Және ол жалғыз «Оң қол» емес. Тағдырлы жазушымыз Қажығұмар Шабданұлының «Қылмыс» романында, көзі тірі классигіміз Мұхтар Мағауиннің «Жармағында» көрініс тапты. Төлен Әбдік арада отыз жылдай уақыт өткенде тағы да жұртшылық назарын аудартты. Ол «Парасат майданы» болатын. Елді елең еткізген, әдебиеттің айналасындағылар назар аударған тағы бір дүниесі – «Тұғыр мен ғұмыр». Бастапқыда «Министрдің өлімі» деп аталып, кейін «Қайырсыз жұма» атанған әңгімесі де ел аузында жүр. Жалпы, Төлен Әбдікті оқылымды жазушылардың қатарына ойланбастан жатқызуға болады.

Әңгімелескен Жұлдыз Әбділда
Қаралым: 4271
0
Роза Мұқанова, жазушы-драматург:  МЕНІҢ ЗАМАНДАСТАРЫМНЫҢ БАҒЫ МЕН СОРЫ...

Бір қаламгерлер том-том дүние жазып та әдебиет тарихында қалмауы мүмкін. Енді бір қалам иесі бір ғана өлеңімен, бір ғана әңгімесімен ойып тұрып орын алуы мүмкін. Біздіңше, Роза Мұқанованы осы екінші қатарға жатқызуға болады. Әлбетте, жазушы-драматургтің шоқтығы биік шығармалары аз емес. Бірақ, жазушыны жазушы ретінде танытқан, атағын аспандатқан, сол биігінен әлі күнге түсірмей келе жатқан дүниесі «Мәңгілік бала бейне» десек, аса қателеспейміз. М.Әуезов атындағы Мемлекеттік академиялық драма театрының сахнасында 18 жыл бойы үздіксіз қойылды. Сол 18 жылда да көрерменсіз болған кезі жоқ. Салыстыру үшін айтсақ, «бала бейнені» ойнаған актриса Данагүл Темірсұлтанова бүгінде «дана бейне» образын сомдайтын жаста. Роза апаймен әңгімемізді де сол «Мәңгілік бала бейнеден» бастадық.

Әңгімелескен Жұлдыз Әбділда
Қаралым: 4738
0
Ерлан Қарин, Қазақстанның стратегиялық зерттеулер институтының директоры:   ТЕРРОРИСТІК ТОПТАРДЫҢ ҚАУПІ ЖОҚ ДЕЙ АЛМАЙМЫЗ

 

Ерлан Қарин көпшілікке саясаттанушы, саяси сарапшы, саяси технолог, саясаткер, зерттеуші ретінде белгілі. Содан кейін де шығар, әңгімеміз ғылым-білім, ағартудан гөрі саясатқа қарай ойыса берді. Оның үстіне, Қарин жуырда ғана Қазақстанның стратегиялық зерттеулер институтына директор болып тағайындалды. «Халифат сарбаздары» атты кітабы жарыққа шықты. Сондықтан да Ерлан Қаринмен стратегиялық зерттеулер институтының болашақтағы бағыт-бағдары, терроризмнен келетін қауіп-қатер, Орталық Азия аймағының ынтымақтастығы, Қазақстан мен Қытай қатынасы жөнінде сұрағанды жөн көрдік.

Әңгімелескен Жұлдыз Әбділда
Қаралым: 2549
0
Дархан Қыдырәлі, Халықаралық Түркі академиясының президенті: ӨТКЕНІМІЗ ДАҢҚТЫ, БОЛАШАҒЫМЫЗ ДА БҰЛЫҢҒЫР БОЛМАУЫ КЕРЕК

 

Бүгінде танымал ғалым Дархан Қыдырәлі Халықаралық Түркі академиясын басқарады. Бұл институт түбі бір түркінің түгел болуы жолында қыруар шаруа атқаруда. Қараша айында Түркі Академиясы Астанада үлкен жиын өткізді. Екі күнге созылған ғылыми-тәжірибелік конференция Тұрар Рысқұлов, Сұлтанбек Қожанов және Исмаил Гаспыралыға арналды. Онда Мәмбет Қойгелді, Хангелді Әбжанов бастаған ғалымдармен қатар, шетелдік беделді ғалымдар баяндама жасады. Бұл жиынға Сұлтанбек Қожановтың немересі Светлана Қожанова, Исмаил Гаспыралының шөбересі Гүлнара Сейітваниева арнайы келіп қатысты. Дархан Қыдырәлі әңгімені осы жиыннан бастады.

Әңгімелескен Жұлдыз Әбділда
Қаралым: 2428
0
Әшірбек Момынов, тарих ғылымдарының докторы:  АБЫЛАЙ ХАННЫҢ ТҰСЫНДА КАНЦЕЛЯРИЯ БОЛҒАН

Александр фон Гумбольдт қоры дүниежүзілік ғылыми ортада кеңінен танымал. Бүгінгі күнге дейін әлемнің әр түкпіріндегі 27 мыңнан астам ғалым-зерттеуші осы қордың стипендиясын алған. Олардың елуге жуығы – Нобель сыйлығының иегерлері. Осы мәртебелі қордың сыйлығын алғандардың арасында қазақ ғалымдары да бар. Біреу-екеу емес, бірнешеу. Біздің бүгінгі сұхбаттасымыз Әшірбек Момынов – солардың бірі. 

Әңгімелескен Жұлдыз Әбділда
Қаралым: 3325
0
ШАФЕРДІҢ ҮЙІНЕН ШЫҚҚАН ДАУЫСТАР

Ол туралы осы күнге дейін естімеппін.  Бүтін ғұмырынан үлгі алуға тұрарлық сол тұлға туралы білмейтінім үшін ұялдым.  Соның орнын толтыру үшін біраз іздендім.
Өзін көріп, жолықпасам да,  беріп жіберген сыйлығы – қолымда. Ол Қазақстанның ашық кітапханасына теңдессіз сый тарту етті.  Сол үшін-ақ ол кісіге сөз арнағым келді. 

Ол - Наум Григорьиевич Шафер.  Белгілі әдебиеттанушы, музыкатанушы, композитор әрі даңқты коллекционер.

Наум Григорьиевич біздің қорымызға   қазақ әнінің бұлбұлы, тұңғыш кәсіби әнші Күләш Байсейітованың  бүгінгі күні мұражайлар мен мұрағаттардан да табылмайтын әндерін берді. Одан бөлек, қазақ жерінде жасалған ең алғашқы грампластинкалардың  көшірмесін өткізді. Бұл таспалардың ерекшелігі һәм құндылығы – олардың тек Шафердің ғана қолында сақталып қалғаны...  Бұл туралы кейінірек, ал қазір Шафер жайында.

Қаралым: 2262
0
Мәмбет Қойгелді, тарих ғылымдарының докторы, профессор: АЛАШ – ҚАЗАҚТЫҢ БІР АТЫ

 

Біз кезекті сұхбатқа Мәмбет Қойгелдіні шақырдық. Басқаның бәрін жиып қойғанның өзінде, алда Алаш қозғалысының 100 жылдығы келе жатыр. Өткенімізге есеп беріп, кем-кетігімізді түзейтін кез. ХХ ғасырдың өн бойындағы бірнеше ірі тарихи оқиғаның шындығы да күні бүгінге дейін бүркемеленіп келеді. Оның да жай-жапсарын сұрадық. Көп мәселенің түйіні өз-өзінен шешілгендей әсер алдық. Сіз де өз төрелігіңізді айтыңыз, қадірлі оқырман!

Әңгімелескен Жұлдыз Әбділда
Қаралым: 4560
0
ЗАМАН ӨЗГЕРГЕНМЕН, ШЫНДЫҚ ӨЗГЕРМЕЙДІ

Жазушы, Мемлекеттік сыйлықтың иегері Мұхтар Мағауиннің бес жылдан бері Прагада тұрып жатқанын әдебиеттің айналасында жүргендер ғана емес, жалпы көпшілік жақсы білетін болар. Соңғы жылдары өнімді шығармашылық жұмыспен айналысып отырған қаламгер жуырда Қазақстанға келген еді. Осы сапарында жазушы Алматыдағы орталық мұражайға келіп, кітаптары мен өзі сақтап келген бірқатар құнды жәдігерлерді мұражай қорына тапсырды. Жиналған оқырмандармен, журналистермен жүздесіп, аз-кем әңгімелесті. Кездесуге келген қауым көкейіндегі сауалдарын қойды. Біз жазушы жауабының аудионұсқасын және жазбасын өз оқырмандарымызға ұсынуды жөн деп таптық.

Дайындаған Kitap.kz
Қаралым: 6412
0
Сәуле Жанпейісова, дәстүрлі әнші, Жамбыл облыстық филармониясының директоры:   «ҚАЗАҚТЫҢ ӘНІ ӨЛСЕ, ӘДЕБИЕТІ ЖЕСІР ҚАЛАДЫ»

 

– Оншақты жыл бұрын Атырау өңірінде жүрдіңіз, қазір Таразда қызметтесіз. Атырауда алға қойған мақсаттарыңыз үлкен еді. Соның ішінде Халықтық музыка академиясын ашу жоспары да болған. Тіпті, сол жоспардың жүзеге асуы үшін кезінде Астанаға барудан да бас тартқаныңыз есімізде. Ал Таразда қандай жоспарларыңыз бар? Қандай шаруалар атқарып жатырсыздар? Әңгімеден осыдан бастасақ.  

  Тараз – көне қала, тарихи қала. Өзімнің туған жерім. Тоғыз жолдың торабында, Ұлы Жібек жолының бойында жатыр. Батыс пен Шығысты, күнгей мен теріскейді жалғап тұрған үлкен орталық. Екі жылдан аса уақыт бұрын Жамбыл облысының әкімшілігі өзімнің туған жерімде қызмет етуге шақырды. Осы елге өнеріммен қызмет ету, осы елдегі өнерді дамыту үшін келдім. Оған дейін көп жыл өнерде жүрдім, оқыдым. Құрманғазы атындағы ұлттық консерваторияның халық әні кафедрасы ашылған уақыттан бастап, сол жерде оқытушы болдым. Арасында төрт жылдай Атырауда музыка академиясын басқардым. Консерваторияда кафедра басқарып жүрген жерімнен осында шақырды. Жұмысым бар, жағдайым жақсы, Алматы – үлкен өнердің ортасы, сондықтан бірден келісе кеткен жоқпын. «Сәуле, сіздің жағдайыңыздың жақсы екенін біліп отырмыз. Бірақ, біздің – елдің жағдайы мәз болмай тұр. Бізге сіздің көмегіңіз қажет» дегенді естіген уақытта ойланып қалдым. Суға кетіп бара жатқан адамға көмектесуге ниет етіп, қол созбаған адамды кәпір деп есептеймін. Оның жанында менен “елге көмек керек” деп сұрап тұрғаннан кейін келмей қалсам, ол адамшылығыма сын болар еді.

Әңгімелескен Жұлдыз Әбділда
Қаралым: 2966
0
Ғалым Боқаш, шығыстанушы ғалым, журналист: АЛТЫН ІЗДЕУШІ АДАМ ТӘСІЛІН ҚҰПИЯ ҰСТАЙДЫ

 

Ғалым Боқаштың кез келген пікірі қызық. Кез келген ойы назар аударарлық. Кез келген мақаласы дүмпу тудырып жатады. Кез келген сұхбаты қызу талқыланады. Бірақ, сұхбатты сирек береді. Мақалаларын да көп көрмейміз. Ал әлеуметтік желідегі жазбалары әрдайым қызу талқыға түсіп жатқаны.  

Ғалым Боқаш жуырда Қазақстанның ашық кітапханасына арнайы сұхбат берді. Шығыстанудан басталған әңгіме жалғыздыққа келіп тірелді... 

 

Әңгімелескен Жұлдыз Әбділда
Қаралым: 6554
0
Ақұштап Бақтыгереева, ақын:  Ол мені аяйтын, мен оны аяйтынмын

 

«Жайықтың шағаласы» Алматыға келіпті. Әрдайым көптің тілеуін тілеп жүретін, елдің сөзін сөйлеуге тырысатын ақынмен аз-кем әңгіме-дүкен құрдық. «Қазақтың қыздары азбасын, қыздар азса – ұрпақ азады» дейтін ұстанымдағы ақынды қалай жақсы көрмейсіз?! Елдік те, ерлік те содан бастау алмай ма?! Ақұштап ападан өзінің қатарластары, замандастары – қазақтың орны бөлек, жөні бөлек ақын қыздары Фариза Оңғарсынова мен Күләш Ахметова туралы сұрадық. Қанипа апамызды да еске алдық. Кей тұста шамына да тиген болармыз, бәлкім. Бірақ, біз әйел жолы жіңішке екенін тағы бір мәрте түйсіндік. Соның ішінде әйел-ақынның тағдыры екі есе ауыр болатынын мойындауымызға тура келді.
Ешкімнің аузына қақпақ бола алмаймыз, бірақ, қазақ қоғамында, соның ішінде әдеби кеңістікте Ақұштап апамызды да, Күләш апамызды да «Фаризаның көлеңкесінде қалған» деп айтатындар жоқ емес. Бұған апамыздың берер жауабы да дайын болып шықты. Ақын мұның себебін әйел затының жолының ауырлығынан іздейді.

Әңгімелескен Жұлдыз Әбділда
Қаралым: 6114
0
Берекет Кәрібаев, тарих ғылымдарының докторы: Қазақ хандығының алтын ғасыры  –  Тәукенің тұсы

Тарих ғылымдарының докторы Берекет Кәрібаевтың есімі тарихшылардың өз ішінде ғана емес, былайғы жұртшылықтың арасында да кеңінен таныс. Негізгі зерттейтін тақырыбы – қазақ хандығы. Бірақ, тарихтың өзге де қатпарларынан терең хабардар кәсіби мамандардың бірі десек, артық айтқандық емес. Азаматтығы өз алдына. Студент кезінен Аралды құтқаруға атсалысып, «Невада-Семей» қозғалысын қолдағаны біраз жұртқа белгілі. Кезінде «Азат» қозғалысын да қолдаушылардың бірі болған.

Әңгімелескен Жұлдыз Әбділда
Қаралым: 5410
0
Өмірзақ Айтбайұлы, академик: Түркі тілдерінің түп қазығы – қазақ тілі

Тілші ғалым Өмірзақ Айтбайұлымен әңгімеміз қазіргі қазақ тілі төңірегінде өрбіді. Тілдің тазалығы, тіл мәдениеті туралы сөйлестік. Өзі көп зерттеген тұрақты сөз тіркестері туралы сұрадық. 25 жылдан бері өзі басы-қасында жүрген «Қазақ тілі» қоғамы мен латын әліпбиіне көшу мәселесінен де айналып өткен жоқпыз. Бүгінгі тілдік қолданыстағы нақты сөздер мен тіркестерге тоқталдық.

Әңгімелескен Жұлдыз Әбділда
Қаралым: 3826
0
Серік Қирабаев, академик: Қасым туралы артық айтқанымды мойындаймын

Сұхбатымыздың кезекті қонағы – академик Серік Қирабаев. Әдебиеттанушы, сыншы ғалым. Ақсақал тың екен. Тоқсанға толуына үш-ақ жыл қалса да, әлі жұмыс істеп жүргені қайран қалдырды. Әңгімесі де сергек. Жасыратыны жоқ, қазақ әдебиетінің тарихында сыншылардың рөлі өте зор болды. «Ұраншыл» ақындарды тәртіпке салып, «ұлтшыл» жазушыларды жөнге шақыру тікелей сыншылардың көмегімен жүзеге асқаны әмбеге аян. Ондайда ағалардың ақылын алып, артық-кем айтуға да тура келген сәттер болғанын ақсақал жасырған жоқ. Соның ішінде, әсіресе, Қасым Аманжолов туралы баса айтты. Қайнекей Жармағамбетовтің шекпенінен шыққан сыншыдан ұстазының тағдыры жөнінде де сұрадық. Қатар оқып, қатар өскен досы Бердібек Соқпақбаев жөнінде сұрамай тұра алмадық. Әңгіменің әлқиссасын сыннан бастадық.

Әңгімелескен Жұлдыз Әбділда
Қаралым: 3586
0
Тұрсынбек Кәкішев: “Қазақ әдебиетінде Мырқымбай сияқты кейіпкер туған жоқ”

Тұрсынбек Кәкішев – ғалым, сыншы, әдебиетші. Филология ғылымдарының докторы, профессор. Қазақстан Республикасына еңбек сіңірген ғылым қайраткері. Сәкентанушы, Сәбиттанушы. Бір ғана Сәкен Сейфуллинге қатысты ондаған кітап жазған. ХІХ ғасырдың соңы мен ХХ ғасырдың басындағы қазақ зиялыларының бір-бірімен қарым-қатынасы, олардың арасындағы келіспеушіліктер мен кикілжіңдер, олардың себептері туралы да айтары аз емес. Одан бөлек, бүгінгі күні ғылыми айналыстан мүлдем шығып қалған бір топ қалам иелерінің өмірі мен өнерін зерттегені тағы бар.
Біз Тұрсынбек ағаны сұхбатқа шақырған едік. Сұхбатымыздың аудио нұсқасын қоса ұсынып отырмыз.

Әңгімелескен Жұлдыз Әбділда
Қаралым: 3702
0