Қазақ тілінің әмбебап сөздігі
Cөздік

КІТАП ФЕСТИВАЛІНЕ КЕЛІҢІЗДЕР!

Өткен жылдан бастап Алматы қаласында маңызды мәдени шараларының бірі «Kitap Fest» фестивалі ұйымдастырылып келеді. Фестивальдің мақсаты – кітап пен оқуға деген қызығушылықты қолдау, қоғамның интеллектуалды әлеуеті мен мәдени құндылықтарын арттыру. 

2014 жылы алғашқы фестиваль аясында қонақтар қазақстандық авторлардың кітаптарын 15 пайызды жеңілдікпен сатып алу мүмкіндігіне ие болды. Сонымен бірге, фестиваль қатысушылары қазақстандық белгілі ақын-жазушылармен кездескен болатын. 

Аталмыш фестиваль дәстүрлі түрде осы жылы да ұйымдастырылмақ. Ұйымдастырушылардың берген ресми ақпаратын төменде келтіріп отырмыз. 

 

«Kitap Fest 2015» кітап фестивалі

ІІ «Kitap Fest-2015» кітап фестивалі 5 қыркүйекте өтеді. Фестиваль балалар әдебиетіне арналады.  

Фестивальде мынадай шаралар ұйымдастырылады:

- Ойын-сауық бағдарламалары;

- «Bookcrossing» - ерікті кітап алмасу;

- Қазақ жазушылары кітаптарының презентациясы;

- Балаларға арналған акциялар;

- Конкурстар;

- Өлең оқу;

- Жазушылармен кездесу және тағы басқалар. 

Фестиваль қатысушылары отандық және шетел әдебиетінің үздік туындыларын Алматы қаласындағы кітап дүкендерінен жеңілдікпен алуға мүмкіндігі бар. Сондай-ақ, мұнда ақ қан және онкологиялық ауруларға шалдыққан балаларды қолдауға бағытталатын «Балаларға кітап сыйла!» қайырымдылық акциясы өтеді. 

«Kitap Fest 2015» кітап фестивалінің мақсаты – балалар мен жасөспірімдер арасында кітап оқуды дәріптеу және қазақ әдебиетінің мәртебесін арттыру. 

Өтетін орны және уақыты: Алматы қаласының орталық мәдениет және демалыс саябағы, 5 қыркүйек, сағат 10.00.

Ұйымдастырушылар:

«Бауыржан» қайырымдылық қоры

Еуразиялық франчайзинг қауымдастығы 

ІІ «Kitap Fest 2015» кітап фестивалі қала күніне орай Алматы қаласы мәдениет басқарамасының қолдауымен өтеді. 

 

0

Пікірлер

  • Ешқандай пікір қалдырылған жоқ. Бірінші болып пікір қалдырыңыз

Пікір қалдырыңыз

Қонақ Сейсенбі, 12 Желтоқсан 2017