Қазақ тілінің әмбебап сөздігі
Cөздік
2
СДУ студенттері "Жармақ" романын оқып, түрлі пікірлерін ортаға салған болатын. Осы роман туралы өз түйген ойларыңызбен бөліссеңіздер.
Жауап (18)
  • Жауап қабылданды

    Сейсенбі, Наурыз 17 2015, 07:20 AM - #тұрақты сілтеме
    1
    Мұхтар Мағауиннің Жармақ романы оқуға тұрарлық шығарма.
    Бұл жауап қайырулы Show
  • Жауап қабылданды

    Сейсенбі, Наурыз 17 2015, 07:23 AM - #тұрақты сілтеме
    1
    Мұхтар Мағауиннің "Жармақ" романын 1 жыл бұрын түгел группа болып оқығанбыз. Романнан алған әсерді сөзбен айтып жеткізу мүмкін емес секілді. Аса көлемді болмаса да, романның берері өте көп. Басты кейіпкер Мараттың өмірде қабылдаған шешімдері арқылы, оның мінез-құлығы арқылы біз, яғни жас ұрпақ өзімізге сабақалдық. Фантастикалық сипатта жазылғаннан кейін шығар, мүлдем жалықтырмайды. Қызықтырғаны соншалық, бір-екі күнде-ақ оқып бітірдім. Ең ұнағаны - қыздар қауымына ұнайтын романтика да бар, жастарға ұнайтын фантастиканы да, тарихи бір деректерді де сабақтастырып шебер жазылған роман деп ойлаймын. Бұл кезекте атақты сыншы Құлбек Ергөбектің пікірін жазғым келеді:

    – Мұхтар Мағауин – қазақ әдебиетінің классигі. Кез келген жазушы идея бойынша, өзі өмір сүрген қоғамға оппозияция болуы керек. Бірақ, біздің қазақ әдебиеті өзі өмір сүрген қоғамға ешқашан оппозиция бола алмай келе жатыр. Қаламгерлер қоғамның сойылын соғудан шаршамайды, шалдықпайды. Кеңестік кезеңде жазушы болып қалыптаса тұра, бүгінгі уақыт талабынан шыға білген, бүгінгі тәуелсіз елімізді өркениет биігіне көтереміз деп жүрген мемлекетіміздің бойындағы бар кемшілікті көре білген жазушы. Оның айқын айғағы – «Жармақ» романы. Қазақ әдебиетінің дәстүрінде болмаған, бірақ, қазақ әдебиетінде дәстүр туғызуы мүмкін роман. Ол бүгінгі күннің қанын шығарып, айта білген – роман. Оның бағасы болашақта беріледі. Барлық қазақ жастарына, жо-жоқ, тек қазақ жастарына әлемнің барлық жастарына оқуға кеңес беремін.
    Бұл жауап қайырулы Show
  • Жауап қабылданды

    Сейсенбі, Наурыз 17 2015, 07:23 AM - #тұрақты сілтеме
    1
    Жалпы Мұхтар Мағауин қазақ жазушыларының арасындағы классиктердің бірі десек айып емес. Бұның алдындағы шығармаларын да тамсана оқып жүрміз. Алайда, "Жармақ" соңғы жылдары жазылған тамаша туынды дер едім. Алғаш рет бұл туындыны журналистика мамандығына шығармашылық емтихан тапсырар кезде оқыған едім. Жалпы, қазіргі қоғымдағы бұл шығарма туралы ой екіге бөлінген. Бірі "қарапайым тілде жазылған шығарма " десе, енді бірі "керемет көркем сөзге" теңіп жатыр. Мысалы, Қуан ҰПАН, журналист: "Жолбарыс аулайтын жігіт туралы жазған шығармасына жетпейді. Баспасөздерден, жазушылардан «кек» алу мақсатында жазылған шығарма секілді. Романға көркемдік жағынан келмейтін шығар…" деген пікір айтқан екен. меніңше, Мағауинның қай шығармасы болмасын, қай кейіпкері болмасын тамсандыра да таңдандыра да алады деп ойлаймын. Өзіме қатты ұнады
    Бұл жауап қайырулы Show
  • Жауап қабылданды

    Сейсенбі, Наурыз 17 2015, 07:23 AM - #тұрақты сілтеме
    1
    Бұл роман Мұхтар Мағауиннің керемет туындысы. Мұхтар Мағауин – қазақ әдебиетінің классигі. Роман тілі өте жаңа заманауи түрде жазылған десем, қателеспеймін. Жалпы "Жармақ" романының желісі қоғамдық ащы шындықты жазумен ерекшеленеді. Мұрат деген басты кейіпкердің екіге қақ жарылып, екі жарым-бір жарты деген мағынада, сонымен бірге таяқтың екі ұшы бар деген цитаталармен түсіндіруге болатын секілді. Бір қарағанда фантастикалық желіге құрылғандай шығарма сіз бен біз мойындайтын саясаттағы шындықтардан сыр шертеді.
    Бұл жауап қайырулы Show
  • Жауап қабылданды

    Сейсенбі, Наурыз 17 2015, 07:24 AM - #тұрақты сілтеме
    1
    Мұхтар ағамыз бұл романында билік басындағылардың кескін келбетін жақсы көрсете білген! Өте керемет шығарма!
    Бұл жауап қайырулы Show
  • Жауап қабылданды

    Сейсенбі, Наурыз 17 2015, 07:25 AM - #тұрақты сілтеме
    0
    Роман маған ерекше ұнады. Әр нәрсенің екі жағы болады, романды банальный деп пікір білдіретіндерді түсінбеймін. Жазылу тілі түсінуге жеңіл, сонымен қатар өте бай. Өзім романды 1 күнде ғана оқып бітірдім. Жазушы өмір шындығын суреттей білген. Университетке оқуға тапсыруға келгенде шығармашылық емтихан сұрақтарында болды. Сол кезде осы шығармамен таныстым. Өзім осы уақытқа дейін неге оқымадым деп ойладым. Қазіргі таңда керемет шығарманы білгенім үшін өте қуаныштымын. Оқуға кеңес беремін.
    Бұл жауап қайырулы Show
  • Жауап қабылданды

    Сейсенбі, Наурыз 17 2015, 07:28 AM - #тұрақты сілтеме
    0
    Жармақ - қазіргі заманның, сананы тұрмыс билеген кезеңнің шынайы бейнесін суреттейтін керемет туынды. Қазіргі қазақ әдебиетіндегі оқуға тұрарлықтай шоқтығы биік туынды деп есептеймін. Шығармадағы көптеген символикалық бейнелер арқылы автор
    өз ойларын астарлап жеткізген.
    Бұл жауап қайырулы Show
  • Жауап қабылданды

    Сейсенбі, Наурыз 31 2015, 03:06 AM - #тұрақты сілтеме
    0
    Бұл романды оқып отырғанымда, кейбір есімдер нақты жазылмаса да, соған келетін билік басындағы адамдардың аттары ойыңа бірден келеді. Тіптен, кейбір басылым аттары да нақты берілмейді, бірақ жуықтап білесің, қызық ;). Бұл кітапты оқуға кеңес беремін! Адамның екі жағы да сүзгіден өткізілген. Өте тамаша роман!!! Бұл роман мазмұн жағынан өзге романдарға ұқсамайды жəне өзіне бұйырған "роман есімімен" де ерекшеленіп тұрады.
    Бұл жауап қайырулы Show
  • Жауап қабылданды

    Сейсенбі, Наурыз 31 2015, 03:06 AM - #тұрақты сілтеме
    0
    Шыны керек, романды бастапқыда оқып түсіне алмадым. Бір сөйлемді 2.3 қайтара оқып шықтым. "Жармақ" романын оқығаннан кейін Мұхтар Мағауин ағаның орны мен үшін əдебиет əлемінде ерекше ой қалдырды. Көп романдар мен шығармалар өте бір-біріне ұқсас келетін, бірақ "Жармақ" романының жазу стилі ерекше. Аздап шытырманды, аздап классикалық, аздап психологиялық стилде жазылған. Қарапайым халық тез түсіне бермейтін əдемі сөздер кездеседі оның мағынасын білу мақсатында аздап кітаптан іздеп мағынасын тауып аласыз. Кітап сөздік қорыңызды да дамытады, əсіресе дəл қазіргі тұста қазақ тілінің ақсақ басып тұрған уақытында таптырмас романдардың бірі. Кітапты оқып тереңірек ойлануға да дағдыланасыз.
    Бұл жауап қайырулы Show
  • Жауап қабылданды

    Сейсенбі, Наурыз 31 2015, 03:13 AM - #тұрақты сілтеме
    0
    Мұхтар ағамыздың аталмыш туындысы бүгінгі қоғамның болмысын тайға таңба басқандай айқын сипаттайды. Әдебиет - қашанда қоғам айнасы болып саналады. Бір ғана адамның образы негізінде екі бейнені бір-бірімен салыстыра саралап жазған. Былай қарасам, адамның нәпсі алдындағы әлсіздігін тамаша жеткізе білген. Өте әсерлі туынды, оқысаңыздар біраз ой түйерсіздер деп сенемін.
    Бұл жауап қайырулы Show
  • Жауап қабылданды

    Сейсенбі, Наурыз 31 2015, 03:29 AM - #тұрақты сілтеме
    0
    Жармақ-мен оқығандардың ішіндегі ең таңдаулы шығарма десек артық айткан болмаймыз.Романды алғаш бастап жатқанымда түсініксіздеу болып көрінгенімен,шығарма ортасына таман роман ішіне қалай еніп кеткенімді білмедім. Фантастикалық сарында жазылған роман өмірдің шынайы келбеттерін жан-жақты ашып,адамның өмірге деген көзқарасын оята біледі.Оқырман қауымға да оқуға кеңес берер едім.Романнан мол рухани байлыққа қол жеткізетіндеріңізге сенімім бар.
    Бұл жауап қайырулы Show
  • Жауап қабылданды

    Сейсенбі, Наурыз 31 2015, 06:48 AM - #тұрақты сілтеме
    0
    Мұхтар Мағауин - қазақтың маңдайына біткен мықты жазушы. Шығармалары да өзінше бір керемет жауһар туындылар. Оған таласым да жоқ. Бірақ осы бір шығармасы үшін ойым өзгерді. Әдебиет әлемінде ол "мықты, ұлы" болуы мүмкін, бірақ мына өмір, адами құндылықтар өлшенетін өмірде көңілім қалды. Өнер арқылы, әдебиет арқылы ішкі ыза-кегін, ішкі эгосын шығармауы керек еді. Ұнатпайтын адамдарын шығарманың кейіпкерлері арқылы кекету, сарказм қолдану, менің ойымша, орынды "жол" емес. Ия, қазақ әдебиетінде "Жармақ" жаңа туынды, шедевр.
    Бұл жауап қайырулы Show
  • Жауап қабылданды

    Сейсенбі, Наурыз 31 2015, 03:23 PM - #тұрақты сілтеме
    0
    Негізгі кейіпкерлері - Марат пен Мұрат. Екеуінің психологиясы, танымы, өмірге көзқарасы екі бөлек жандар. Өмірден бір сәт түңілген Мараттың өзіне ұқсас адамды түсінде көріп, шынайы өмірде бәсекелес болып шығуы шығарманың шарықтау шегі еді. Шығармада тарихи мәселелер, саясат, адами қарым-қатынастар талқыланады.
    Бұл жауап қайырулы Show
  • Жауап қабылданды

    Бейсенбі, Сәуір 02 2015, 03:32 AM - #тұрақты сілтеме
    0
    Мен "Жармақ" романын осыдан бір жыл бұрын оқығанмын. Алған әсерім өте керемет. Қатты ұнады. Романда автор оқиға желісін қазіргі қоғаммен байланыстыра отырып тамаша суреттеген. Жазылу стиліде ерекше шығарма. Мазмұны жағынанда кең мағынаға толы.
    Бұл жауап қайырулы Show
  • Жауап қабылданды

    Бейсенбі, Сәуір 02 2015, 05:03 AM - #тұрақты сілтеме
    0
    Қазақ әдебиетінің классигі, көрнекті жазушы Мұхтар ағамыздың "Жармақ" романын оқымастан бұрын, осы шығарма туралы көптеген пікірлерге қанықтым. Алайда әр оқырман әртүрлі қабылдайды, әртүрлі пікір айтады. Сондықтан біржақты пікірде қалуды қаламадым. Жалпы айта кететін нәрсе, жазушыға қиын соғатын дүние — дәл өзі өмір сүріп отырған дәуірді сипаттау. Қай жазушының шығармасын алсақ та олар өткенге көз тастап, сол өткенді шеберлікпен суреттеуге тырысады. Мұхтар Мағауиннің өткен ғасыр келбетін көрсететін шығармаларымен де таныспын, алайда бұл "Жармақ" мен үшін бөлек роман болып табылады. Фантастикалық желіге құрылғандай шығарма саясаттағы шындықтардан құралып, қазіргі таңдағы елеулі мәселелерді ашып береді. Абай атамыз айтпақшы, "Қайнайды қаның, ашиды жаның" дегендей мойындай тұра жаның жабырқайды. Әрине, бұл айтылғандар шығармадан алған әсердің бір бөлшегі ғана секілді. Сіздерге міндетті түрде оқуға кеңес беремін!
    Бұл жауап қайырулы Show
  • Жауап қабылданды

    Бейсенбі, Сәуір 02 2015, 09:06 AM - #тұрақты сілтеме
    0
    Бұл туынды көркемдік қырынан психологиялық әсерімен ерекшеленеді. Қазақ прозасында осы тұрғыдан құнды деп есептеймін.
    Бұл жауап қайырулы Show
  • Жауап қабылданды

    Сенбі, Сәуір 04 2015, 04:17 PM - #тұрақты сілтеме
    0
    Жазушы романда болашағын дұрыс бағдарлай алмай, екі таңдаудың арасында қалған кейіпкердің ішкі жан арпалысын баяндауда өзіндік ерекше тәсілді қолданған. Яғни, оқиға желісі еліміздегі 1961-2001 жылдар аралығын қамтығандықтан, кейіпкердің жоғарыда айтып өткен екі таңдаудың қайсысын болмасын таңдағандағы жағдайының көрсетілуі арқылы, сол кезеңдегі еліміздегі саясат, мәдениет, қоғамдық мәселелер, халқымыздың тұрмысы, ұлтаралық қатынастар анық суреттелген.
    Туындыдан түйгенім: Бұл өмірде алдыңа қойған мақсатың нақты, айқын болса және сол мақсатыңа тек адал еңбекпен, тура жолмен ғана жете білсең, онда өміріңнің бекер өтпегені!
    Бұл жауап қайырулы Show
  • Жауап қабылданды

    Сенбі, Мамыр 09 2015, 05:29 PM - #тұрақты сілтеме
    0
    Шығарма туралы түрлі пікір болатыны заңды ғой. Сондай пікірлерді жинақтап берген Ұланға және
    Балжан МҰРАТҚЫЗЫна сілтеме жасап кетейін ( http://zhasorken.kz/?p=705):
    Қазір Прагада тұратын қазақтың көрнекті жазушысы Мұхтар Мағауиннің «Жармақ» романы кітап сүйер қауым арасында құбылыс ретінде қабылданды. Бірақ романды оқып, танысқаннан кейін қоғами пікір екіге жарылды. Біреулер «тілден жұрдай, қарабайыр, публицистикадан аса алмаған құнсыз дүние» деген сияқты пікірдің жетегінде жүрсе, екінші топ «тәуелсіз қазақ әдебиетінің төлбасы – романы» деп баға берді. Шындығында «Жармақ» қандай роман? Сіз қай жағындасыз?

    Құлбек ЕРГӨБЕК, сыншы:

    – Мұхтар Мағауин – қазақ әдебиетінің классигі. Кез келген жазушы идея бойынша, өзі өмір сүрген қоғамға оппозияция болуы керек. Бірақ, біздің қазақ әдебиеті өзі өмір сүрген қоғамға ешқашан оппозиция бола алмай келе жатыр. Қаламгерлер қоғамның сойылын соғудан шаршамайды, шалдықпайды. Кеңестік кезеңде жазушы болып қалыптаса тұра, бүгінгі уақыт талабынан шыға білген, бүгінгі тәуелсіз елімізді өркениет биігіне көтереміз деп жүрген мемлекетіміздің бойындағы бар кемшілікті көре білген жазушы. Оның айқын айғағы – «Жармақ» романы. Қазақ әдебиетінің дәстүрінде болмаған, бірақ, қазақ әдебиетінде дәстүр туғызуы мүмкін роман. Ол бүгінгі күннің қанын шығарып, айта білген – роман. Оның бағасы болашақта беріледі.

    Ғарифолла Есім, философ, сыншы:

    – Мұхтар Мағауин менің ең жақсы көретін жазушым. Басқа шығармалары туралы пікірімді айтсам да, «Жармақ» туралы пікірімді айтпай-ақ қояйын.

    Қуан ҰПАН, журналист:

    – Жолбарыс аулайтын жігіт туралы жазған шығармасына жетпейді. Баспасөздерден, жазушылардан «кек» алу мақсатында жазылған шығарма секілді. Романға көркемдік жағынан келмейтін шығар…

    Әсия БАҒДӘУЛЕТ, «Халық сөзі» газетінің журналисі:

    – «Жармақты» – публицистика дегеніне келісемін. Кейбір теңеулеріне айызың қанады. Әсіресе, «тірі» адамдарды танығанда. Бірақ, Мағауиннің тілден жұрдай болғанын көрген емеспін. Мақаласының өзі тіліп түсіп жатады ғой. Жазушының пендешілік «интерестері» кіріп кетпегенде, қазақ әдебиетінде болмаған мистикалық реализмнің үздік үлгісі болар еді… Мүмкін қателесетін де шығармын…

    Тұңғышбай ЖАМАНҚҰЛОВ, ҚР Халық әртісі:

    – Мұхтар Мағауиннің стилі ерекше емес пе? Жаңа стилдегі роман деп атауға болады. Романды осылай ғана жазасың деген бір ғана формасы болмайды ғой. Маған қатты ұнады. Эмоциямен жазылған. Сын айтатын сыншы емеспін, әрине. Оқырман ретінде қиғаш ой түйген жоқпын. Керісінше, заманымыздың шындығын жазған батыл, көркем дүние ретінде қабылдадым.
    Бұл жауап қайырулы Show
Сіздің жауабыңыз