Қазақ тілінің әмбебап сөздігі
Cөздік
0
Оқырман клубының бүгінгі отырысында (30.05.2015) Мұхтар Мағауиннің "Архив хикаясы" (Мұрагер) әңгімесінен түйген ойымызбен бөлістік. Бұл отырыстың бір ерекшелігі болды: Алматыда өтіп жатқан тренерлерге арналған тренигке келген қатысушылар талқылауға қатысты, яғни Ақтаудан, Шымкенттен, Астанадан, Қостанайдан, Алматыдан келген журналистика саласында жұмыс істеп жатқан мамандар ой бөлісті. Негізгі талқылау әңгімеден алған әсер мен өмірімізбен, қазіргі кезбен байланысқа, басты кейіпкерлердің әрекеттерін бағалауға, дұрыс па, бұрыс па, сіз не істер едіңіз деген бағытта болды. Бұл әңгіме оқыған адамдарды бейжай қалдырмапты, ерекше әсер еткен. Өз тарапымыздан кітап сүйер қауымды да осы әңгіме туралы ойларымен бөлісуге шақырамыз. Сонымен "Архив хикаясынан" қандай ой түйдіңіз, бұл мәселе қазіргі кезде де өзектілігін, маңыздылығын жоймай отыр ма?
Жауап (2)
  • Жауап қабылданды

    Сенбі, Мамыр 30 2015, 06:37 PM - #тұрақты сілтеме
    2
    Ерекше әңгіме. Қызғаныш, іштарлық, өзімшілдік тек қана Сәмет шал мен Сембектен ары аспағанына шүкір дейсің. Еңбектің еш кеткені, ешкімге пайда әкелмегені, даму мен алға басудың мүмкін болмағаны өкіндіреді. Бос кеткен уақыт, зая кеткен өмір. Дегенмен әңгімені оқыған оқырман өзіне ой түйетініне, дұрыс жолды таңдайтынына, біреудің пікірінің жетегінде кетпейтініне сенемін.
    Бұл жауап қайырулы Show
  • Жауап қабылданды

    Дүйсенбі, Маусым 01 2015, 05:37 AM - #тұрақты сілтеме
    2
    Бұл шығарманың бастапқы аты "Мұрагер" еді. Сол "Мұрагер" кезінде оқып, онша көңіліме сыймаған. Эгоизмді көргендей болғанмын. "Архив хикаясы" болып өзгерген екен, тағы бір оқып шықтық. Расында да, адамның адамшылығы білуі және сол білгенін басқаларға да айтуы болса керек. Өзің ғана біліп, оны ешкімге айтпау, не айтқызбау, меніңше, "шөп үстінде ит жатады, не өзі жемейді, не өзгеге жегізбейді" дегенге келеді. Өзім үшін мораль: білсең – бөліс, білмегеніңді үйрен.
    Бұл жауап қайырулы Show
Сіздің жауабыңыз