Қазақ тілінің әмбебап сөздігі
Cөздік

Мені өзгерткен бір кітап!

Санат: Білім
Сәрсенбі, Қаңтар 14 2015, 08:01 AM
2
Махатма Ганди: "Әлемді өзгерткің келсе өзіңнен баста!". Әр адамның өмірінде бір кітапты оқып біткеннен кейін жаңа сезім, жаңа серпіліс беретін кітап болады. Сол кітаптарыңызбен бөлісе отырсаңыздар... Сізді ғана емес, мүмкін өміріңізді түбегейлі өзгерткен кітап бар болар, өзгелерді өзіміз арқылы өзгертейік!!!:)
Жауап (11)
  • Жауап қабылданды

    Жұма, Қаңтар 16 2015, 06:26 AM - #тұрақты сілтеме
    1
    Джек Лондон "Мартин Иден". Адамның өмірінде өзгеріс жасай алатын кітаптар көп емес деп ойлаймын. бірақ әрбір оқырманның өзіне жақын дүние болады. егер сұрақ сізді өзгерткен жазушы десе, мен мүмкін Достоевскийді таңдар ма едім. ал кітапқа ол Мартин Иден болды. басты себебі мына өмірдің, адамдардың шыныменен де қандай екенін көрсетеді. жазушы бір тұлғаны коғамдағы материалды және рухани жағдайының қандай болу мүмкіндігін көрсетеді. алдамшы өмірді көрсетеді. Білімнің адамға қандай мүмкіншілік беретінің көрсетеді. Өмірде маған 13 жасымда мотиватор және өмірлік жол таңдауға әсер еткен кітап.
    Бұл жауап қайырулы Show
  • Жауап қабылданды

    Жұма, Қаңтар 16 2015, 08:07 AM - #тұрақты сілтеме
    1
    Мөлдір, кітапты атап қана қоймай, оның әсерімен бөліссеңіз...
    Бұл жауап қайырулы Show
  • Жауап қабылданды

    Сәрсенбі, Қаңтар 21 2015, 11:39 AM - #тұрақты сілтеме
    1
    Маған ерекше əсер еткен кітаптардың бірі неміс жазушысы Эрих Мария Ремарктың 1941 жылы жарық көрген "Возлюби ближнего своего" атты кітабы. Кітапта бірінші дүниежүзілік соғыстан кейінгі Еуропадағы қиын қыстаукезең сипатталады. Еврейлерді жаппай қудалау,жұмыстан еш себепсіз шығару,құжаттарын тартып алып елден қуып жіберу үрдісі. Дəл осындай жағдай Германияда мемлекеттік саясатқа қарсы пікір білдіргендермен де орын алды. Ешқандай қылмыс жасамаған, адал еңбек етіп жүрген халықты тек еврей болып туылғандықтан немесе көршіңнің көре алмай жапқан жаласына бола сандалтып жіберген. Жұмыс істей алмайды,заңды түрде өзге елге бара да алмайды. Кім?қашан келіп тұтқындап алып кетеді екен деген мəңгі қорқыныш, ертеңгі күнім не болады екен деген таусылмайтын уайым, шаңырағы ортасына түскен мыңдаған отбасы. Алайда осыншалықты тағдыр тауқыметін көріп жатса да арын кірлетпеген адамдар, бір бірінен алыста жүрсе де адалдығы мен махаббатын сақтап қалған жұбайлар, ерен еңбекпен маңдай термен табылған бір үзім нанды бөліп жейтін шын достар - молшылықта өмір сүріп жатқан мына біздің өмірге басқа қырынан қарауға мүмкіндік береді. Біз достық пен махаббатың, отбасының, адалдықтың қадірін біліп жүрміз бе? Əр күнімізге қуана аламыз ба? Сонымен қатар сол уақыттардан 70 жылдан аса уақыт өтсе де адамнан бір жапырақ құжат артық болған заманды артта қалдыра алдық па? Оқып көріңіздер, еш өкінбейтініңізге сенімдімін.
    Бұл жауап қайырулы Show
  • Жауап қабылданды

    Сәрсенбі, Қаңтар 21 2015, 05:00 PM - #тұрақты сілтеме
    0
    Американдык жазушы Элизабет Гилбеттин омирин тубегейли озгерткен "Ешь.Молись.Люби" туындысы меним омириме айтарлыктай озгерис акелди деп айта алмаймын. Биракта, окуга турарлык китаптын бири. Асиресе, бир сарынды, кунделикти куйбен тиршиликтен жалыккан мына биздей жандарга. Сени кутпеген бакытты кайдан, калай издеуге себепкер болады. Кей-кезде каламгерге кызыгып, барин артка тастап букил алемди саяхаттауга кетип калгыныз келеди.
    Бұл жауап қайырулы Show
  • Жауап қабылданды

    Сәрсенбі, Қаңтар 21 2015, 07:52 PM - #тұрақты сілтеме
    0
    Маған соңғы кезде қатты әсер еткен кітап - бұл Марио Пьюзоның "Крестый отец" туындысы болатын. Қарапайым өмірде де бұл тіркестің көп қолданылатынын, алайда оның қандай мәндік күші бар екенін нақты тану үшін оқыған болатынмын. Қатты ұнады әрі өмірге деген біраз көзқарасымды өзгертті. Бұл кітаптан кейін криминал мен детектив жанрындағы фильмдерді көп тамашалайтын болдым. Крестный отец, яғни, Дон Корлеоне - прототип, Нью-Йорктегі ірі 5 криминал отбасылардың бірі Бонанно семья. Дон Корлеоненің ерекшелігі де сол әу баста "мафияның" не үшін құрылғанын жақсы біледі және оның мәнін сақтай білген. Бұл - мафияның алғашында қарапайым халықты биліктен қорғайтын жасын топтар еді. Кейін келе мафиялар тобы сол қарапайым халықтың өзін қанайтын қанаушы қарақшы топқа айналды. Ал Дон Корлеоне дәл осы мәнді сақтай білген, ол өзіне көмек сұрап келгендердің бетін қайтармайды, көмек береді және кейіпкер жастайынан сондай адам-тұғын. Алайда барлық мафияларға тән қарақшылық пен "круговой поруг" сипаты да бар Донның, бірақ та оның мемлекеттер заңдарынан және өзге де заңдардан жоғары қоятын өзінің адамгершілік принципі бар еді. Иә, расымен де, бұрынғы батырларды, тіпті, рыцарьларды алсақ та, олардың дәл осындай өзінің моральдың-адамгершілік принциптері бар еді, олар халықты қорғайтын, өзінің ерекше түсінік болмысымен әрекет жасайтын. Дәл осы буынның қалдығы мафиялар болды. Қызуқанды италья мафиялары бүкіл Америкада ірі абыройға ие еді, америкалық ганстерлердің негізі де дәл осы итальян мафиялары болатын.
    Қысқасы, шығарма оқуға өте ыңғайлы, деректі жазылған, Жазу стилі де аса қиын емес, барлық детальдарды түсініп отыруға болады барлық детективтерге тән болғандай. Сюжеттік-оқиғалық байланыстарды нақты ажырата алуға болады.
    Экранизациясын қоса тамашалауға кеңес беремін.
    Бұл жауап қайырулы Show
  • Жауап қабылданды

    Жексенбі, Наурыз 29 2015, 10:15 AM - #тұрақты сілтеме
    1
    Менің өмірге деген көзқарасымды өзгерткен - Немат Келімбетовтың "Үміт үзгім келмейді" хикаят-монологы. Нағыз шынайы, ащы өмірді бейнелеген. Тағдырдың тауқыметі қол-аяқты қанша ораса да, одан жеңілмей, қасқайып тұру керектігін үйретеді. Қиындықтан құтылам деп өліп кету әлсіздердің ісі екенін, өміріңді көзің тірі тұрғанда адамшылықпен кешу керектігін, және де оны адал, анық жолмен мәнді ету керектігін ұғындырады. Болмашы дүниеге күйіп-пісу бекершілік екен. Сенен де бетер қайғыға ұшырап, олардын өмірдегі бақытқа деген үміттерін сөндірмейтіндерін ескеру керек екен. Және де қанағатшылдық сезімін білу, оны бойға қондыру қажет екен. Өмір керемет екендігін біздің күйбең-тірлік сезінуге мұрша бермейді. Адамға мөлдір сезім, адамшылдық сезім аса қажет екен. Бәрі өзімізге байланысты.
    Бұл жауап қайырулы Show
  • Жауап қабылданды

    Дүйсенбі, Сәуір 20 2015, 08:04 AM - #тұрақты сілтеме
    0
    Мен Ә. Нұршайықовтың "Махаббат қызық мол жылдарын" айтар едім. Мен тек қана қазақ тілінде оқитын болғандықтан өзге елдің кітаптарын білмеймін, ал, аудармаларға келсек 7-8 сыныптарда оқыған едім терең түсіне алмадым. қазір кітап оқуға мұрша бола бермейді.
    Бұл жауап қайырулы Show
  • Жауап қабылданды

    Сейсенбі, Маусым 02 2015, 03:13 PM - #тұрақты сілтеме
    0
    Халил Жебранның "Пайғамбары". Әлемге басқаша қарауға болатындығын түсіндім.
    Бұл жауап қайырулы Show
  • Жауап қабылданды

    Дүйсенбі, Маусым 08 2015, 06:01 PM - #тұрақты сілтеме
    0
    "Мартин Иден" Джек Лондоннның романы
    Бұл жауап қайырулы Show
  • Жауап қабылданды

    Сенбі, Маусым 20 2015, 08:44 AM - #тұрақты сілтеме
    0
    Даниэль Дэфо "Робинзон Крузо" осы кітапты оқып шыққаннан кейін, кітаптың әсерімен өзімнің сол уақытқа дейінгі өмірімді өзімше сараптап (не тындырдым?, не істедім?) деп ойланғаным есімде :) Содан кейін менде сол кейіпкер секілді күнделік жазайын деп шештім. Бір жағынан Абай атамыздың Егерде есті кісілердің қатарында болғың келсе, күнінде бір мәртебе, болмаса жұмасында бір, ең болмаса айында бір, өзіңнен өзің есеп ал! деген сөзі күнделік жазуыма себеп болды. Кітапты бұрын оқыған соң ба, дәл сол кездегі әсер жоқ, бөлісе алмай отырмын бірақ оқығандар біледі ғой :) Ал оқымағандарға оқуға кеңес беремін. Міне, осы кітап оқып біткеннен кейін, менің кішкене де болса өзгеруіме себеп болған.
    Бұл жауап қайырулы Show
  • Жауап қабылданды

    Бейсенбі, Қыркүйек 08 2016, 05:23 PM - #тұрақты сілтеме
    1
    Мені түбегейлі өзгертетін кітапты әлі оқымаппын. Белгілі бір деңгейде ғана Ә.Нұршайықовтің Ақиқат пен аңызы, Ә.Нұрпейісовтің Қан мен тері. Д.Исабековтің Қарғыны
    Бұл жауап қайырулы Show
Сіздің жауабыңыз