Қазақ тілінің әмбебап сөздігі
Cөздік
0
Мархабат Байғұттың "Сізді сүйген қыз едім" атты шағын ғана әңгімесінен бір сауал туындады. Ер адам әйел адамның махаббат сезімін жеткізуі қаншалықты мүмкін (және керісінше)? Қалай ойлайсыздар?
Жауап (1)
  • Жауап қабылданды

    Сейсенбі, Маусым 23 2015, 09:30 AM - #тұрақты сілтеме
    0
    Жер бетінде қанша адам болса, соншалықты сезім болады деп ойлаймын. Махаббатта да солай секілді. Сондықтан, жазушының негізге алған сезімдері де шындық болуы ғажап емес. Жеке өзім үшін Мархабат Байғұт кейіпкерінің сезімі таңсық. Өйткені, ол тым жас. Он төрт-он бес жастағы бұл қыз баланың махаббаты тым балаң деп ойлаймын. Кейіпкердің көркемдік образынан аса бір тереңдік көре алмадым. Дегенмен, өзіме жұмбақ болып тұрғаны - қыздың ғашықтығын екінші кейіпкер сезді ме екен. Сезсе де, оның осылайша елемеуден басқа амалы болды деп ойлайсыз ба?!

    Жазушылық шексіздігімен, дүниені шексіз сезінуге мүмкіндік беруімен әсерлі әрі құнды деп ойлаймын. Олар адам жанын өзінен де артық суреттеуге, ашуға, зерттеуге мүмкіндік алады. Шынында да, осы күнге дейін әйел жазушының жазуындағы ерекшелік пен ер жазушы ерекшелігі деп сіз секілді бөліп қарастырып көрмеппін. Енді ойланып отырмын. Біздің әдебиетімізде ер қаламгерлер көп. 90 пайыз десек болады. Бұл жағдайда біздің (әйелдер қауымының) кейіпкерлер образын таразылау еркіндігі де болмаған сияқты:) Бұл негізі ойлануға, зерттеуге тұрарлық тақырып.
    Бұл жауап қайырулы Show
Сіздің жауабыңыз