Қазақ тілінің әмбебап сөздігі
Cөздік
0
Бүгінгі оқырман клубымыздың (12.06.2015) басты тақырыбы Дидахмет Әшімханның "Жер аңсаған сарыатан" повесі болды. Бұл повестен әркімнің өз түйгені бар: мұң, сағыныш, естелік, туған жерге оралу т.с.с. Бетпе-бет кездесіп айтылған ойдан алған әсердің кереметі сөсзсіз, дегенмен қазіргі жаңа технологиялар мен мүмкіндіктерді пайдаланып осы жерде де ой бөлісуге шақырамыз.
Жауап (2)
  • Жауап қабылданды

    Жексенбі, Маусым 14 2015, 05:57 PM - #тұрақты сілтеме
    0
    Шығармадағы екі кейіпкер екі кезеңді (әке мен бала, еркін кез бен тәуелділік кезі) суреттегенімен бір арманға қол жеткізбек болды. Кішкене саяси ойларға жетелегенімен, негізгі тақырыбы өз болмысыңа үңілу, өзіңді өз мәдениетіңнен табу деп түсіндім. Еркектер арасындағы әңгіме мен олардағы сентиментализмді қызық жеткізген. Шығармада мұң аралас сағыныш бар. Сондықтан болар, оқып болған соң шер қалып қойғандай әсер қалдырды.
    Бұл жауап қайырулы Show
  • Жауап қабылданды

    Бейсенбі, Шілде 02 2015, 10:28 AM - #тұрақты сілтеме
    1
    Қалампыр Кенжеғалиева: ""Жер аңсаған сары атан" туралы пікір айтсақ, алдымен авторы туралы сыншы Құлбектің "ұлттық рухтың жыршысы" деген сөзі еске оралады. Сары атанның шудалары желкілдеп, маңдайын күнге күңсітіп, табанын тасқа тілгізіп, таңдайын шөл қақтап туған топырағын аңсап, сары даланы көктей өтіп келе жатқан сар желісінен ұлттық рухтың лебін сезінесіз. Бұл шығарма қара сөзбен жазылған поэзия. Оқып отырасың, жаның егіліп, іштей әлгі сары атанның желісіне салып туған жеріңе деген махаббат күйін шерте көзіңнен жас парлап отырады. Есбергеннің Мойылдысайын көксеуі, астан басқаға алаңы жоқ, кешегі батырдың "ұсақталған" тұқымы Қожықтың Көкентауға атбасын бұруы - ұлттық санадан өшпейтін туған жерді аңсаудың классикалық көрінісі. Шығарманың құндылығы - қазақтың басына түскен нәубет жылдарында Көкентауға ойысып, жан сауғалаған Есберген жат жерде сүйген жары мойыл көзді Ғазизасынан, перзентінен айрылады... Шығармада автор Ақсопы Абызды жолықтыру арқылы адам табиғатындағы өшпейтін тектіліктің, ұрпақ қалдырудың құпиясын аңшы жігіттің атып алып, қанжығасына байлап берген күдірдің қасиеті арқылы баяндауы - Метрейді қоса алғанда, үш әулеттің ұрпағын тығырықтан құтқарады. Метрей Ақсопы алғаш сұрағанында бермеген Қожыққа күдірдің шыбығын әкеліп бергенінде, есігінде малай етіп ұстап отырған тектінің тұқымына бостандық береді. Бұл - шығарманың өзекті шешімін тапқан, құндылығын арттырған тұсының бірі дер едім. Жерін аңсаған сары атан адам тақылеттес кейіптегі жануар. Сары атаннның сар желісі - поэтикалық туындының қайырмасы іспеттес".
    Бұл жауап қайырулы Show
Сіздің жауабыңыз