Қазақ тілінің әмбебап сөздігі
Cөздік

23 тамыз күні Алматы қаласында “Болашаққа бағдар: рухани жаңғыру” бағдарламасының “Жаңа гуманитарлық білім. Қазақ тіліндегі 100 жаңа оқулық” жобасы аясында атқарылып жатқан жұмыстарды талқылауға арналған дөңгелек стол өтті. Шараға ғалымдар, аудармашылар, редакторлар, баспагерлер, оқу орындарың ұстаздары мен мемлекеттік мекемелер өкілдері қатысты. Басқосуда ғылыми терминдер мен ұғымдарды қазақ тіліне аудару, өзге тілдерден енген сөздер қолданысы, терминология, стиль, аудармашылар ортасының мәселелері сөз болды. “Жаңа гуманитарлық білім. Қазақ тіліндегі 100 жаңа оқулық”

жобасы аясында философия, социология, психология, мәдениеттану, дінтану, тіл білімі, экономика, менеджмент пен кәсіпкерлік салалары бойынша әлемдегі ең үздік оқулықтар қазақ тіліне аударылып жатыр. Бүгінде аталған бағыттар бойынша іріктелген 17 кітап аударылуда. АҚШ, Ұлыбритания, Швейцария, Франция мен Ресейдің үздік баспаларымен кітаптарды қазақ тіліне аудару құқықтары рәсімделді. Аударманы іске асыру үшін 17 жұмыс тобы құрылып, 90-нан астам маман жұмысқа тартылды. Оқулық аудармасы сапасын қамтамасыз ету мақсатында аударма тәуелсіз ғылыми және әдеби редакциядан өтеді.

Ұлттық аударма бюросы – Елбасының тапсырмасымен қоғамдық және гуманитарлық ғылымдар бойынша «Жаңа гуманитарлық білім. Қазақ тіліндегі 100 жаңа оқулық» бағдарламасы аясында құрылған коммерциялық емес ұйым. Біздің міндетіміз:
  • Алдағы жылдарда гуманитарлық бағыттағы әр тілде жарық көрген әлемдегі 100 үздік оқулықты қазақ тіліне аудару ісін жүргізу;
  • Тарих, саясаттану, әлеуметтану, философия, психология, мәдениеттану, филология ғылымдары саласынан студенттердің әлемдік озық үлгіде толыққанды білім алуына жағдай жасау;
  • Авторлық құқық, заманауи инновациялық құралдар, оқу-әдістемелік бағдарламаларды және т.б. ескеріп, аудармашы мамандар, профессорлық-оқытушылық құраммен бірлесіп, аударма саласында жаңа әдіс-тәсілдер қалыптастыру;
Ұлттық контентті шет тілдерге аударып, әлемге таратып таныту.

Бүгінде 2018-19 оқу жылында білім алушы жастарымызды «Жаңа гуманитарлық білім. Қазақ тіліндегі 100 жаңа оқулық» жобасы аясында аударылған оқулықтар бойынша оқыту да жоспарлануда. Қазір «Ұлттық аударма бюросы» еліміздегі ең үздік жоғары оқу орындарымен, атап айтқанда, әл-Фараби атындағы Қазақ Ұлттық университетінің, Л.Н.Гумилев атындағы Еуразия Ұлттық университетінің, Сүлейман Демирел университетінің, Нархоз университетінің, Қазақстан Республикасы Жоғары оқу орындары қауымдастығының, Алматы менеджмент университетінің ғалымдары тобымен бірлесіп, оқулықтарды аудару ісін жүргізуде. Бұл парақшада «Жаңа гуманитарлық білім. Қазақ тіліндегі 100 жаңа оқулық» жобасы аясында аударылатын оқулықтардың электронды нұсқасы оқырман назарына ұсынылады. Ғалымдар мен ізденушілер, жоғары оқу орындары студенттері, «кіші ғылым академиясының» талапты буыны, қызығушылық танытқан көпшілік оқырман осы парақша арқылы жобаның іске асу барысынан тікелей хабардар бола алады.

  • Телефон:

  • +7 (717)
    295 45 70
  • Электронды почта:

  • info100@kitap.kz
  • Адрес:

  • 010000, Астана қаласы,
    Достық 18, 6 қабат