«Ғылыми қазына» кешенді бағдарламасы «Классикалық зерттеулер» (немесе «Даналар сыры») жобасы негізінде ұсынылып отырған «Уақыт тынысы» атты жинаққа әуезовтануға үлкен үлес қосқан белгілі ғалымдардың таңдаулы еңбектері еніп отыр. Жинаққа  кірген Л.М.Әуезованың «М.О.Әуезов творчествосында Қазақстан тарихының проблемалары» монографиясында М.Әуезовтің «Абай жолы» роман-эпопеясының тарихи негіздері, роман кейіпкерлерінің прототиптері жан-жақты ғылыми талданған. Бұл қазақ әдебиеттануының осы бағыттағы алғашқы күрделі зерттеуі.  К.Сыздықовтың «Мұхтартанудың беймәлім беттері» деген монографиясында М.Әуезов шығармаларының ақтаңдақтары қаралып, ұлы суреткердің әдеби сындағы, әдебиеттанудағы бұрын белгісіз болып келген шығармалары зерттелген.

            Кітап ғылыми жұртшылыққа, қалың оқырман қауымға арналған.