Қазақ тілінің әмбебап сөздігі
Cөздік

Әбдіуақап Қара. Қазақтардың Түркияға көші (Қожан уәзір ақсақалдың ауызша деректері)

Қазақстан Республикасы тәуелсіздігінің 25 жылдығы және Зуқа Сәбитұлының туғанына 150 жыл толуына орай оқырманға ұсынылып отырған бұл кітапта қазақтардың 1937 жылы Шығыс Түркістаннан басталып, 1950 жылдары Түркияға барған көші, ол елдегі тұрмыс-тіршілігі осы көштің бел ортасында жүріп жетекшілік жасаған Қожан Секейұлы ақсақалдың аузынан баяндалады.

Кітапты баспаға әзірлеген ғалым-тарихшы Әбдіуақап Қара 2004 жылы Қожан ақсақалдың көрген-білгендерін айтқызып, дыбысын таспаға жазып алған. Ауызша тарих зерттеуі методикасымен дайындалған бұл еңбек – қазақтың ауыз екі әңгіме айту дәстүрінің шебер үлгісін де ортаға салған.

Ауызша тарих айту мәселесін зерттеудің әлемдік методологиясы мен методикасы, ұлттық құндылықтарды зерттеу ерекшеліктері ескеріле отырып жазылған бұл кітап – зерттеушілерге, магистранттар мен студенттерге және көпшілік оқырманға арналған.