Абдрахман Асылбектің «Ағынан ақтарылып» деп аталатын бұл жинағына соңғы жылдары жазған Отан, туған жер, адамгершілік, адалдық, ақ махаббат жайында жазылған өлеңдері топтастырылған.

«Ашығын айтар болсам сыр жасырмай,

Мінезім мөлдір бұлақ жылғасындай», – деп басталып, өлеңінің соңы:

Қондырып әр адамның басына күн,

Келеді шуақ болып шашырағым.

Қиындық кезіксе де жасымадым,

Арманды асуларға асығамын, – деп келетін жолдар ақынның ақ жүрегін танытқандай.

Кітап «Менің мінезім», «Алтын Отан аясында», «Алматы – арман қала», «Өмір өрнектері», «Алтын адам», «Мәңгілік Мұқағали», «Махаббат миниатюралары», «Естен кетпес есімдер» деген тараулардан тұрады. Жинақ жалпы оқырман көпшілікке арналып, көркем де жеңіл тілмен жазылған.