Қазақ тілінің әмбебап сөздігі
Cөздік

Шөмішбай Сариев. Шөл даланың ұлымын. Өлеңдер жинағы

Қазақстанның Еңбек сіңірген қайраткері, Франц Кафка атындағы халықаралық Алтын медаль сыйлығының лауреаты, «Тарлан» сыйлығының лауреаты, ақын Шөмішбай Сариев «Шөл даланың ұлымын» атты кітабында тәуелсіздік алған ұлы Отанымыздың шежірелі тарихын, ұлт тағдырын, кешегісі мен бүгінін, бүгіні мен ертеңін поэзия тілімен жырлайды.

Жинақ «Шөл даланың ұлымын», «Әйел», «Назарбай қойдым атыңды...» және «Жаһандағы жалғыз үй» атты төрт бөлімнен тұрады. Бірінші бөлімде ақын ғасырлар бойы кең далада шөлдеген туған халқымыздың аңсары ауып, аңқасы кеуіп, осынау тәуелсіздік таңына қол жеткізгенін жүрек үніне айналдырған.

Екінші бөлім - «Әйел» атты тақырыппен ұлы өмірдің негізі, түп-тамыры әйел деген ұлағатты есімде екенін, өмір өркені әйелде екендігін тебірене толқып жыр етеді.

Ақынның жаңа замандағы соны да жаңа сезімдерінде, ой-пікірлерінде, философиялық ой-толғамдарында жаңалықтар бар. Жаңалық бар жерде - өмір бар. Өмір бар жерде поэзия бар екендігі ақиқат.