Қазақ тілінің әмбебап сөздігі
Cөздік
Фариза Оңғарсынова

Фариза Оңғарсынова

Фариза - өз жырын жүрегімен сезгенін, адам табиғатынан байқағанын сыршылдықпен сыйдырып, адамның алуан сезімдері мен сәттерін, өмір құбылыстарын өз жүрегінің дүрсілімен бере білетін ақын. Құр айқаймен көлгірси алмайтын, тіршілікке деген өмірдің өзіндей махаббаты бар, өмірдің өлмес шындықтарын, сезімнің тұнық тұстарын әсірелемей айтатын, ыстық пен суықты, күн мен көлеңкені бірдей қабылдап, өмірді өртене сүйе білетін, әр өлеңінен өмірдің екі жағы, қуанышы мен сағынышы көрініп тұратын ақын. Оның біреулер мұңды деген жырларының өзінде бір өжет күш жатады. Ол мұң боркемік қайғы емес, жасампаздыққа, жеңіске, ерлік пен құштарлыққа бастайтын, өмірдің өзіне тән қайсар мұң, қайрат шақыратын мұң дер едім. Оның жырлары — көлеңкеге күйініп тұрып өмірді қысы-жазы, күз-көктемімен қоса, тұтас сүйе білетін, соны шынайы түсініп, шындық күйінде жырлай білетін ақын жүрегінің жырға құндақтаулы асқақ сезімі.

          Мәриям Хакімжанова

11 Кітап
2 Аудиокітап