Қазақ тілінің әмбебап сөздігі
Cөздік

Cұрақ: Онлайн кітапхана деген не? Қоғам оны қалай қабылдауы тиіс?

Жауап: Онлайн кітапхана, электронды кітапхана десе, сенімсіздікпен қарайтындар баршылық. Бірақ, қазіргі ақпараттық технологиялар заманының талаптары күн санап өзгеріп келеді. Оның игілігін көруге баршамыз хақылымыз. Классикалық үлгідегі кітаптар ешқашан өмірімізден алшақтамасы анық. Онлайн кітапханаға жүгіну – уақытты тиімді әрі үнемді пайдалану қажеттілігінен туындап отыр.  Электронды кітапханаға кез келген уақытта, кез келген жерде кіріп, қажет кітабыңызды тауып оқи аласыз. Бұл – онлайн кітапхананың бір ғана артықшылығы. Қалаған кітабыңыздың аудионұсқасын тыңдай аласыз. Тіпті, тұтас бір кітапхананы кішкентай ғана телефон құрылғыға көшіріп алуға мүмкіндік бар.


Сұрақ: Авторлардың құқығы интернет желісінде қаншалықты қорғалған?

Жауап: «Қазақстанның ашық кітапханасы» жобасының басты ерекшелігі – авторлардың құқығы толығымен қорғалғандығы. Авторлардың келісімін алғаннан кейін ғана шығармалары сайтқа орналастырылады. Автордың туындыларын көшіріп алу мүмкіндігі шектелген. Шығарма иесінің рұқсатынсыз туындылары сатылмайды және басылып шығарылмайды.

Кітапхананың басты мақсаты – интернет желісіндегі қазақтілді мазмұнды дамыту және насихаттау. Сонымен қатар, кітаптарды оқырманға мүмкіндігінше қолжетімді ету. Қазіргі таңда 500-ден аса автордың (мұрагерлерінің) келісімімен туындылары сайтымызда жарияланды. Кітапханамыз арқылы еліміздегі және шетелдегі оқырман қалаған шығармасын оқи алады.


Сұрақ: Шығармаларды онлайн кітапханаға орналастыру үшін қандай талап қойылады?

Жауап: Біздің сайт қанатқақты шығармасымен әдебиет есігін қаққан жас дарын мен үміт күттірген жас ғалымның да еңбегін Кітапхана қорына салуға ниетті. Сайт редакторлары ұсынылған кітаптың мазмұнымен міндетті түрде танысып, тиісті шешім шығарады. Нәтижесінде, келісімшарт құжатталып, туынды сайтымыздан орын алады.


Сұрақ: Қазақ тілінің әмбебап сөздігі кітапхананың қай бөлігінде орналасқан?  Онлайн сөздікті  қалай пайдаланады?

Жауап: Қазақ тілінің әмбебап сөздігі кітапхананың жоғарғы орта жақ бөлігінде көк түспен берілген. Белгіні басқанда сөздік ашылады.  «Сөзді енгізіңіз» деген жерге іздеген сөзіңізді теріп, қажет мәлімет ала аласыз.

Қазақ тілінің әмбебап сөздігі – барлығы 150 156 лексикалық бірлікті қамтитын «Қазақ  әдеби тілінің сөздігін» , сондай-ақ түрлі тақырыптағы және сан-алуан саладағы сөздіктердің қорын бір жерге жинақтаған сөздіктер «агрегаторы».

 м


Cұрақ: Қазақстанның ашық кітапханасына қалай тіркеледі?

Жауап: Кітапханаға тіркелуге төмендегі арнайы видеонұсқаулық көмектеседі: